Sorpréndenos OQO con este cálido e tenro álbum de Paloma Sánchez Ibarzábal con ilustracións de Massimiliano di Lauro: A miña primeira viaxe é unha viaxe iniciática ao mundo humano, ao noso mundo, ao ar que respiramos e á luz que nos alumea, é o medo a nacer e o sentimento de unión cara á nai, posto que os latexos do corazón son o compás para non perderse. Un álbum para viaxar de dentro para fóra, con amor. Un álbum para pechar os ollos e sentir.

Viaxo feliz dentro desta nave. TUM-TUM…TUM-TUM…É o son dos motores.Vivo na escuridade. Sinto o movemento.Oio ruídos, rumores. Ás veces TUM-TUM…Ás veces RAS-RAS…Esta é unha historia do comezo da vida humana narrada en primeira persoa por un bebé no ventre materno, que viaxa dentro do que el percibe como unha cápsula na cal percorre un universo descoñecido. Proposta onírica e poética, onde o lector acompaña o bebé, facendo súa esa viaxe de transformación, de procura da súa identidade.

5º-6º Primaria